Олимпиадашыларды марапаттадық

Тамыз 20, 2021

Бүгін, 20 тамызда, Нұр-сұлтан қаласында ауыр атлетикадан Токиодағы XXXII Олимпиада ойындарының қола жүлдегерлерін салтанатты марапаттау рәсімі өтті. Игорь Сон мен Зульфия Чиншанло Toyota Camry 75 автокөліктерінің кілтін алды, ал жеке жаттықтырушылар Қазақстанның Ауыр атлетика федерациясының президенті Жанат Түсіпбековтен ақшалай сыйақымен марапатталды.

«Біз шын жүректен қуанамыз және Сіздер үшін зор мақтан тұтамыз, қымбатты Игорь, Зульфия! Олимпиада ойындарына қатысу әр спортшы мен жаттықтырушының мақсаты, ал Олимпиада медалі-аңсаған арман, спорттық жетістіктердің шыңы. Сіздердің жеңістеріңіз Қазақстан халқын, баршамызды қуантты, бұл жетістіктеріңіз мыңдаған балаларды мақсатқа жетуге және жеңімпаз болуға шабыттандырды. Біз парақты өзгерттік, жаттығу процесін жаңаша реттей алдық және бұл «таза» жеңістер шын мәнінде алтынның салмағына ие.

Біздің спортшылар, жаттықтырушылар, федерация атынан республика Үкіметіне, Ұлттық Олимпиада комитетіне, өңірлер әкімдіктеріне, демеушілерге ауыр атлетиканы дамытуға көрсеткен көмегі мен қолдауы үшін алғысымды білдіремін», – деді Ж. Түсіпбеков өзінің құттықтау сөзінде.

Игорь 61 келіге дейінгі санатта «қола» жеңіп алды, ал Зульфия 55 келіге дейінгі санатта үшінші болды.

Зульфия Чиншанло:

– Бөлінген көңілдеріңіз бізді өте қуантады! Баршаңызға, атап айтқанда біздің федерацияға, жеке Жанат Рашидовичке, ҰОК, мемлекетімізге қолдау көрсеткені және құттықтағаны үшін алғыс айтқым келеді. Жарыс алаңына шыққанда өзіңді қалай жеңуге болатынын, барынша жақсы өнер көрсету туралы ғана ойлайсың. Сол сәтте марапаттар туралы ойламайсыз. Сондықтан, біз қайтып келгенде бізді осылай құрметтейтініне екі есе қуаныштымын!

Олимпиадалық құрамадағы ағаларымыз өздерінің жүлделерін қайырымдылыққа беріп, жақсы үлгі көрсетті. Бізді-олимпиада жүлдегерлерін мемлекет, Федерация, облыс жақсы қолдайды. Бұл-керемет! Бірақ, біз бұл құралдарға ерекше мұқтаж адамдар бар екенін ұмытпауымыз керек. Сондықтан мен де Ауыр атлетика федерациясының қолдауымен өз жүлделерімді игі мақсаттарға жұмсаймын.

Игорь Сон:

– Осындай сыйлық үшін Қазақстанның Ауыр атлетика федерациясына және Жанат Рашидовичке жеке алғысымды білдіремін! Бүкіл Қазақстан халқына зор алғысымды білдіргім келеді, мыңдаған шақырым қашықтықта Сіздердің қолдауларыңызды сезіндім! Бұл менің Олимпиада ойындарындағы алғаш өнер көрсетуім, мен 2024 жылы Парижде Отаным үшін алтынды алу үшін одан әрі жаттығуға ниеттімін.

Мен өзім Үштөбе шағын қаласынанмын, менің жолымды өңірлерден келген ұлдар мен қыздардың қайталауын қалаймын. Сондықтан біздің федерацияның көмегімен өз сыйақымды өз өңірімдегі мұқтаж жандарды қолдауға жұмсаймын.